Uluhiyyət tövhidi : Qulun bütün ibadət növlərində Allahı təkləməsidir. Yəni namaz, dua, oruc, həcc və ümumilikdə bütün ibadədətlərini sırf Allaha həsr etməsidir. İbadət isə, Allahın sevib razı qaldığı gizlində və aşkarda olan bütün söz və əməlləri ehtiva edir. O haqq ilahdan başqa ibadətə layiq ilahın olmadığına və Ondan başqa ibadət olunan hər bir məbudun batil olmasına etiqad etmək, tövhid inancının əsasını təşkil edir.
Allahu
təalə bu haqda buyurmuşdur :
Sizin ilahınız
Tək olan İlahdır. Ondan başqa ilah yoxdur, Mərhəmətlidir, Rəhmlidir. (əl-Bəqərə
surəsi 163)
Uluhiyyət
tövhidinə ibadət tövhidi də deyilir. Uluhiyyət tövhidi heç bir ibadət növünü
Allahdan başqasına sərf etməməyi və ibadəti Allaha xas qılmağı gərəkdirir.
Biz yalnız Sənə
ibadət edir və yalnız Səndən kömək diləyirik. (Fatihə surəsi 5)
-Yəni,
yalnız tövhid üzərinə sənə ibadət edir və səndən başqasına ibadət etmirik. İbadətlərdə
və həyatımızda baş verən çətinliklərdə yalnız sənə üz tutar, yalnız səndən mədət
umarıq. Səndən başqasına yalvarmaz, yalnız və yalnız sənin hökmlərinin haqq
olduğuna inanaraq Sənə itaət edərik. Həyat nizamımızı Quran və sünnə düsturu üzərində qurmağa
çalışar, bundan başqa bütün inanc və həyat sistemlərini rədd edərək Sənə boyun əyərik.
Uca
Allah başqa bir ayədə belə buyurmuşdur :
Sən yalnız
Allaha ibadət et və şükür edənlərdən ol! (Zumər surəsi 66)
-Yəni,sənə
verdiyi nemətlərə görə Allaha ibadət və şükr
et.
Rəbbin yalnız
Ona ibadət etməyi buyurmuşdur. (İsra surəsi 23)
-Ayənin
təfsirində İbn Abbas (radiyəllahu anhumə) Qatədə və Həsən belə demişdir:
Yəni, Rəbbin
yalnız Ona ibadət etməyi əmr etmişdir!
Allahu
təalə buyurmuşdur : Allaha ibadət edin və
Ona heç bir şeyi şərik qoşmayın! (ən-Nisa
surəsi 36)
-Yəni,bütün
ibadətlərdə Allahı təkləyərək ibadət və itaət et.
Uluhiyyət
tövhidi yaradılışımızın səbəbidir.
Allahu
təalə belə buyurmuşdur : Mən cinləri və
insanları ancaq Mənə ibadət etmək üçün yaratdım. (əz-Zəriyat surəsi 56)
-Təfsir
alimləri “Mənə ibadət etmək üçün” ayəsinin bu hissəsini “ibdaətlərdə məni təkləyin”
deyə təfsir etmişlər.
Uluhiyyət
tövhidi bütün nəbi və rəsulların ilk dəvətə başladığı və dönə dönə üzərində
durduqları tövhid növüdür.
Bu
haqda Allahu təala belə demişdir : Biz hər
ümmətə: “Allaha ibadət edin, tağutdan uzaq olun”– (deyə), elçi göndərdik. (ən-Nəhl
surəsi 36)
Təfsri
alimləri belə demişlər : Biz hər ümmətə
elçi göndərdik yəni : Sizə göndərdiyimiz kimi (hər ümmətə elçi göndərdik)
Allaha ibadət
edin, tağutdan uzaq olun. və Allahdan başqa ibadət olunan hər
şey tağutdur.
Nəbi
və rəsullar öz qövlərinə belə demişlər: Ey
qövmüm! Allaha ibadət edin. Sizin Ondan başqa ilahınız yoxdur. (əl-Əraf surəsi
59,65,85)
Daima
bütün ümmətlərdə müşriklər bu tövhid növünü inkar etmiş, ona qarşı çıxmış, nəbi
və rəsullara, eləcə də onların izindən gedənlərə düşmənçilik göstərmişlər
.Allahu təalə Hud surəsi 62-ci ayədə Saleh (aleyhi sələm) ilə qövmü arasında
keçən dialoqu bizə belə xəbər vermişdir :
{Onlar dedilər: “Ey Saleh! Sən bundan əvvəl
içərimizdə ümid edilən bir kimsə idin. Doğrudanmı atalarımızın ibadət etdiyinə
ibadət etməyi bizə qadağan edirsən? Doğrusu, biz sənin bizləri dəvət etdiyin (əqidə)
barəsində şübhə doğuran şəkk içindəyik”.}
Bu,
ibadətlərin qəbul olunub olunmayacağı üzərinə bina ediləcək olan əsasların əsasıdır.
Onunla Allahın əmr etdiyi ixlas gerçəkləşir.Allahu
təalə belə buyurmuşdur : Sən də, dinin
yalnız Allaha məxsus olduğuna (imangətirərək), Ona ibadət et! (əz-Zumər surəsi
2)
Hər
kim Allah ilə birlikdə başqa birinə ibadət edərsə Allaha şərik qoşmuş, bununla
da bütün əməlləri puç olmuş olar. Bu haqda Quranı Kərimdə belə deyilir: Sənə və
səndən əvvəlkilərə belə vəhy olunmuşdur: “Əgər şərik qoşsan, əməlin puç olacaq
və mütləq ziyana uğrayanlardan olacaqsan. (əz-Zümərsurəsi 65)
Bu
tövhid növünə görə Nəbi və rəsulların zamanında, hətta bu günümüzdə də
muvahhidlərlə müşriklər arasında kin və ədavət vardır. Tövhid əhli olan müsəlmanlar
insanları şirkin bütün növlərindən çəkindirib tövhidə dəvət etdiyi
halda,müşriklər də insanları qəbrlərdən, vəfat etmiş salehlərdən yardım istəməyə,
Allaha şərik qoşmağa, Uca Allahın qulları üçün seçdiyi Quran və sünnədən başqa
həyat nizamlarına dəvət etməkdədirlər. Onlar insanları bir daha nurdan zülmətlərə
çağırdıqları halda biz müsəlmanlar da onları bu yolda yorulmadan şirkin
qaranlıqlarından İslamın nuruna çağırmağa davam edəcəyik.
✍ Əbu Fadl
Hiç yorum yok: